‏د قطر په مرکز دوحه کې د بهرنیو چارو له وزیر مولوي امیر خان متقي سره د افغانستان لپاره د ناروې سفیر اولي لینډمن وکتل.
ښاغلي لینډمن لومړۍ په پکتیکا او خوست کې د زلزله ځپلو سره خواخوږي څرګنده کړه او د خپل هیواد په نمایندګي یې له افغان ولس سره په دې ستر غم کې ځان شریک وباله،

‏دغه راز په کتنه کې د افغانستان په فعلي وضعیت، بشري، صحي او اقتصادي برخو کې د شویو پرمختکونو په اړه خبرې وشوې.
د ناروې سفیر په خپلو خبرو کې وویل چې د افغانستان د کنګل شویو پیسو د خلاصون د نظریې ملاتړي دي او زیاته یې کړه چې د پيسو خلاصون او دبندیزونو په لیري کولو سره به ‏د افغانستان بانکي سیسټم او په ټوله کې اقتصادي سکتور وده وکړي.
محترم متقي صاحب د ناروې هیواد څخه مننه وکړه چې له افغانانو سره خواخوږي لري، هغه په افغانستان کې د ښه امنیت سره په تړاو وویل چې اوس ښه زمېنه برابره شوې تر څو ټوله نړۍ د افغانستان هر اړخیز لاسنیوی او ملاتړ وکړي.