MFA _Afghanistan 
په پیل کې د روسیې سفیر د افغانستان په باب د مسکو فارمټ د راتلونکې ناستې په اړه د بهرنیو چارو وزیر ته معلومات وړاندې کړل. همداراز په دې ناسته کې د روسیې سفیر د بهرنیو چارو وزیر ته د افغانستان په تړاو د مسکو فارمټ په راتلونکې ناسته کې د ګډون بلنه هم ورکړه.
متقي صاحب د روسیې له بلنې څخه مننه وکړه او زیاته یې کړه چې مسکو فارمټ د سیمې ترمنځ د همغږۍ په رامنځ ته کولو کې مهم رول لوبوي. د بهرنیو چارو وزیر وویل چې د افغان حکومت پلاوو د مسکو په تېرو ناستو کې هم ګډون کړی و.
متقي صاحب هیله څرګنده کړه چې کابل او مسکو د دیپلوماتیکو اړیکو په چوکاټ کې له دې ناستې څخه ښه ګټه پورته کړي.
همداراز د بهرنیو چارو وزیر ښاغلي سفیر ته یادونه وکړه چې د روسیې په ویزو کې آسانتياوي رامنځته کړې تر څو تجاران او نور افغانان وکولای شي په اسانۍ روسیې ته سفرونه وکړي.