مولوی امیرخان متقی وزیر امور خارجهٔ امارت اسلامی افغانستان، صبح امروز در نشستی سه‌جانبه با شیخ محمد بن عبدالرحمن آل ثانی، وزیر خارجه و معاون رئیس‌الوزرای قطر ‌و آقای تام وِست، نمایندهٔ ویژهٔ امریکا و هیأت همراه وی ملاقات نمود.

‏ درین نشست، ملا خیرالله خیرخواه، وزیر اطلاعات و فرهنگ ‏افغانستان نیز اشتراک داشت.
اشتراک‌کنندگان نشست انتالیا را فرصتی خوب برای توسعهٔ روابط دانستند.

جانب افغانستان، وضعیت کشور را بیش‌تر از هر وقت برای تعامل مثبت و دیپلوماتیک با جهانیان مساعد خواندند و افزودند که به رسمیت شناخته‌شدن و آزادشدن سرمایهٔ افغانستان، حق مشروع افغان‌ها ‏است که توسعهٔ روابط سیاسی و رشد اقتصاد آنها به آن وابسته است.

وزیر خارجهٔ قطر در مورد مأموریت قطر و ایالات متحدهٔ امریکا در افغانستان صحبت نمود و چنین نشست‌ها را به نفع همه طرف‌ها دانست. همچنان نمایندهٔ ویژهٔ ایالات متحدهٔ امریکا ‏روی سیاست‌های آیندهٔ کشورش پیرامون افغانستان معلومات ارائه نمود و افزود که ما تلاش می‌کنیم تا اقتصاد افغانستان خودکفا شود.

MFA _Afghanistan

Read Previous

‏امروز آقای وانگ یو، سفیر چین مقیم کابل با مولوی امیرخان متقی وزیر امور خارجه ملاقات نمود.

Read Next

مولوی امیرخان متقی وزیر امور خارجهٔ امارت اسلامی افغانستان صبح امروز در شهر انتالیا در نشستی دوجانبه با آقای تام وِست، نمایندهٔ ویژهٔ امریکا برای افغانستان و هیأت همراه وی ملاقات نمود.

Leave a Reply