۰۹ /حمل /۱۴۰۳

مولوی امیرخان متقی وزیر امور خارجهٔ ا.ا.ا روز گذشته با خانم رتنو مرسودی، وزیر خارجهٔ اندونیزیا و خانم لُلوة الخاطر، معین وزارت خارجهٔ قطر ملاقات نمود.

‏ سه‌طرف روی وضعیت بشری، اقتصادی و معارف افغانستان صحبت همه‌جانبه نمودند.‏طرف‌های قطری و و اندونیزیایی به جانب افغانستان اطمینان دادند که آماده اند در بخش بشردوستانه با مردم افغانستان کمک‌ کنند.

وزیر خارجهٔ اندونیزیا وعده سپرد که کشورش آماده است که با ادارات معارف افغانستان کمک کند و برای محصلین افغان بورسیه‌های تحصیلی اهدا کند.‏همچنان، معین وزارت خارجهٔ قطر وعده سپرد که قطر در آیندهٔ نزدیک، دفاتر بنیاد خیریه و سره‌میاشت قطر را در کابل خواهد گشود.

جانب افغانستان از وعده‌های همکاری قطر و اندونیزیا با افغان‌ها استقبال نمود و از همکاری کامل اطمینان داد.