۰۹ /حمل /۱۴۰۳

محترم الحاج شير محمد عباس ستانکزی معین سیاسی وزارت امور خارجهٔ ا.ا.ا امروز با آقای عصمت ایرگاشوف، نمایندهٔ ویژهٔ رئیس جمهوری ازبیکستان ملاقات نمود.

معین سیاسی از جمهوری ازبیکستان به‌خاطر کمک‌های بشردوستانه، انتقال برق، مساعدت‌های تخنیکی و سایر بخش‌ها ابراز امتنان نمود.آقای ایرگاشوف از دستآوردهای حکومت جدید افغانستان استقبال نمود و افزود کشورش از خواسته‌های افغانستان در تمامی نشست‌های بین‌المللی حمایت خواهد مرد. دو طرف روی همکاری‌ نزدیک و وسیع تجاری، ترانزیت، برق، راه آهن و سایر بخش‌ها میان دو کشور تأکید نمودند.