۲۹ /حوت /۱۴۰۲

محترم مولوی امیرخان متقی وزیر امور خارجهٔ ا.ا.ا امروز پیش از برگزاری نشست سازمان همکاری اسلامی در اسلام‌آباد با آقای جسپر وییک، نمایندهٔ ویژهٔ آلمان برای افغانستان ملاقات نمود.

درین نشست، دو طرف روی واقعیت‌های فعلی افغانستان، وضعیت اقتصادی و کمک‌های بشری صحبت نمودند.وزیر امور خارجهٔ افغانستان از اعلام کمک ۶۰۰ ملیون یورو توسط کشور آلمان سپاس‌گزاری کرد و خواهان انتقال شفاف و کامل این کمک به افغانستان و عملی‌شدن زود وعدهٔ پرداخت معاشات معلمین شد و گفت که این روند باید از طریق بانک‌های افغانستان صورت گیرد.