بر اساس حکم مقام محترم ریاست‌الوزرا، امروز نشست آمادگی افتتاح پروژهٔ تاپی و شماری پروژه‌های دیگر با ترکمنستان، به ریاست وزیر امور خارجه و اشتراک نمایندگان نهادهای امنیتی، وزارت‌های معادن و پترولیم؛ فواید عامه؛ اطلاعات و فرهنگ؛ مخابرات و تکنالوژی معلوماتی؛ سخنگوی مرکزی امارت و شرکت برشنا در وزارت امور خارجه برگزار شد. درین نشست، رئیس کمیسیون یادشده و مسوولین نهادهای اشتراک‌کننده گزارش تفصیلی کمیته‌های فرعی را استماع نمودند و در مورد برگزاری بهتر مراسم تصامیم لازم اتخاذ نمودند. قرار است پروژه‌های یادشده طی مراسمی باشکوه در روزهای آینده برگزار شود.
اولین نشست آمادگی کمیسیون افتتاح پروژه‌های تاپی، فایبر نوری، تاپ و خط آهن میان افغانستان و ترکمنستان برگزار شد.
