معین وزارت خارجهٔ بلاروس با معین سیاسی وزارت امور خارجه ملاقات نمود

آقای لوکا شیویچ، معین وزارت خارجهٔ جمهوری بلاروس با الحاج شیر محمد عباس ستانکزی، معین سیاسی وزارت امور خارجهٔ ا.ا.ا. ملاقات نمود.
درین ‌نشست روی مشترکات اقتصادی و سیاسی و سایر همکاری‌ها میان افغانستان و ‌بلاروس صحبت صورت گرفت.
آقای ستانکزی سفر همتای بلاروسی خویش به کابل را پیشرفتی مهم در روابط دوجانبهٔ بین افغانستان ‌بلاروس و آغازی خوب در بخش همکاری‌های درازمدت دانست.
آقای شیویچ ارادهٔ مثبت حکومت خویش مبنی بر بنیاد‌گذاری برای همکاری در بخش‌های مختلف با افغانستان را ابراز نمود.
دو طرف توافق کردند تا به‌منظور گسترش بیشتر همکاری‌های یادشده، تیم‌های تخنیکی در کابل و منسک به گفت‌وگو ادامه دهند.