د بهرنیو چارو وزیر هغوی ته د ښه راغلاست تر څنګ وویل چې عموما کډوال هغه وخت هیواد ته ستنیږي چې جګړه نه وي او اقتصاد وضعیت ښه وي، له نېکه مرغه اوس جګړه ختمه شوې خو د اقتصاد په برخه کې د امریکا له لورې اقتصادي بندیزونه او د افغانانو شتمنۍ کنګلول ددې بهیر د ټکني کېدو لامل ګرځېدلي دي.متقي صاحب هیله وښوده چې له هیواد څخه بهر د افغان مهاجرینو ستونزو ته په وخت رسېدنه وشي.
ورپسې ښاغلي مازو خوښي وښوده چې افغانستان اوس خوندي دی، بناء په کار ده چې کډوال خپلو سیمو او بانډو ته ستانه شي.
نوموړي وویل په تېر یوه کال کې زیات شمیر کډوال هیواد ته راستانه شوي،چې د هغوی له جملې له ۶۰ زره کډوالو سره زموږ مرستې ترسره شوې دي، همدا راز د روان کال لپاره اراده لرو چې په اړمنو سیمو کې ۳۵ مکتبونه، ۲۰ کلینکونه، ۵۰۰۰ کورونه جوړ او ۵۰ زره کسانو ته د کوچنیو قرضونو د ورکړي اسانتیاوې رامنځ ته کړو
[en_hijri_date]
