به تاریخ ۱۷ فبروری سال جاری، ۱۸ تن اتباع افغانستان که در یک واسطهٔ نقلیهٔ سربسته در سرک حلقوی شهر صوفیه، پایتخت بلغاریا برای سه روز گیرمانده بودند؛در اثر گرسنگی، تشنگی و کمبود آکسیجن جان باختند و تعداد دیگر آنان به شفاخانهٔ مرکزی شهر منتقل گردیدند که وضعیت صحی آنان قناعت‌بخش است.وزارت امور خارجهٔ ا.ا.ا مراتب تسلیت خویش را به خانواده‌های قربانیان این حادثهٔ غم‌انگیز ابراز می‌کند و یک‌بار دیگر از همه افغان‌ها می‌خواهد تا زندگی خویش را با انتخاب راه‌های غیرقانونی و قاچاقی مهاجرت به خطر نیاندازند.همچنان، از تمامی نهادهای بین‌المللی و به‌ویژه از کشور میزبان می‌خواهیم که قاچاق‌چیان انسان را همواره باعث جان‌باختن انسان‌ها می‌شوند، دستگیر نموده و به پنجهٔ قانون بسپارند.
پیام وزارت امور خارجهٔ ا.ا.ا در مورد جان باختن اتباع افغانستان در شهر صوفیهٔ بلغاریا
