محترم مولوی سید عبدالغفور قریشی سرپرست جنرال قونسلگری افغانستان مقیم ولایت ماری با معیتی محترم عبدالعلی افضلی سکرتر دوم این قونسلگری در دیدار از انستیتوت انرژی ولایت ماری با آقای اتایف غایغئ سیز آنه چاریوویچ معاون انستیتوت و محصلین افغان ملاقات نمود.
در این ملاقات که آقای بیگنج قاقه جانوف رئیس خارجه ولایت ماری نیز حضور داشت ابتدا آقای اتایف معاون انستیتوت انرژی ولایت ماری تشریف آوری سرپرست جنرال قونسلگری ا.ا.افغانستان را خیر مقدم گفته در مورد ۹ تن از محصلین افغان که قرار است از انستیتوت یاد شده فراغت حاصل نمایند معلومات مفصل ارائه نمود.
سپس آقای قریشی ضمن تشکری و امتنان از همکاری های همه جانبه کشور دوست و برادر ترکمنستان، محصلین افغان را تشویق و وعده هر نوع همکاری سپرد.
[wikiwordpress]
