هیات بلند‌پایه جمهوری تاجیکستان متشکل از ادارات مختلف آن کشور که به ریاست نماینده خاص تاجیکستان به کابل سفر نموده است، با وزیر امور خارجه ا.ا.ا در خصوص تقویت و گسترش مناسبات در زمینه‌های مختلف به خصوص روابط دیپلوماتیک و همکاری‌های اقتصادی بحث و تبادل نظر نمودند.
در این ملاقات، مولوی امیرخان متقی وزیر امور خارجه کشور ضمن توضیحات در خصوص روابط دیرینه و تاریخی افغانستان و تاجیکستان بیان داشتند که ا.ا.ا به دنبال گسترش روابط حسنه و همسایه‌داری نیک با جمهوری تاجیکستان می‌باشد و خوشبختانه این روابط در حوزه‌های مختلف در حال توسعه است و ما امیدواریم در آینده نزدیک شاهد پیشرفت‌های چشمگیر در مناسبات میان دو کشور برادر و همسایه باشیم.
هیات تاجیکستان نیز در خصوص تقویت هرچی بیشتر مناسبات با افغانستان اطمینان دادند و اظهار داشتند که افغانستان و تاجیکستان می‌توانند در عرصه‌های مختلف همکاری‌های نزدیک با هم داشته باشند. در پایان، دو طرف بر ادامه همچون نشست‌ها و سفر‌ها تاکید داشتند.
