۲۷ ذُو ٱلْقَعْدَة ۱۴۴۳

‏نن د بهرنیو چارو له وزیر مولوي امیر خان متقي سره د ازبکستان د ملي امنيت شورا سلاکار او په خارجي سياست کې د ولسمشر خاص استازي ښاغلي عبدالعزیر کاملوف او د افغانستان لپاره د ولسمشر ځانګړي استازي عصمت الله ایرګاشوف او مل پلاوي وکتل.

په ناسته کې د افغانستان-ازبکستان په دوه اړخیز اړیکو ‏اوسني وضعیت، د ټرانزیټ پر تقويې او تجارت خبرې وشوې.
ښاغلي عبدالعزیز کاملوف د افغانستان امنیت د خپل هیواد له امنیت سره تړلی وباله او زیاته یې کړه چې د دوه اړخیز تجارت او ښه ټرانزیټ لپاره باید یو له بل سره نژدې کار وکړو.
خاص استازي ښاغلي عبدالعزیر کاملوف د جولای په وروستیو کې په ‏ازبکستان کې د دوی په کوربتوب د سیمې او نړۍ د هیوادونو او ادارو د لوړ رتبه استازو ترمنځ د جوړېدونکي سیاسي او اقتصادي کنفرانس په هکله له محترم متقي صاحب سره معلومات شریک کړل او د ګډون بلنه یې ورکړه.
د بهرنیو چارو وزیر مولوي امیرخان متقي د ښاغلي کاملوف له راتګ څخه مننه وکړه او د‏نوې دندې مبارکي یې ورکړه، متقي صاحب وویل، زه د ازبکستان هیواد څخه مننه کوم چې په سیاسي، اقتصادي او بشري برخو کې یې د افغانانو سره همکارۍ کړې دي او خوښي یې څرګنده کړه چې د دواړو هیوادونو ترمنځ د ښه ګاونډیتوب فضاء حاکمه ده.
متقي صاحب وویل، وخت رارسېدلی چې په نړۍ او سیمه کې له ‏راتلونکو تغیراتو سره ځان عیار او ترې مثبته استفاده وکړو، دغه راز متقي صاحب چمتو والی څرګند کړ چې د تجارت وزارت په سرپرستي کې افغاني هیئت ازبکستان ته سفر وکړي ترڅو له ازبکستان هیواد سره تجارت پیاوړی کړو او وکولای شو چې اقتصادي خودکفايي رامنځته شي.‏د ناستې په پای کي دواړو لورو هیله څرګنده کړه چې دغه ډول ناستې دوامداره شي او د دواړو هیوادونو د مشترکو ګټو لپاره پکې مثبت پرمختګونو رامنځته شي.

MFA _Afghanistan

Read Previous

‏نن د ا. ا. ا. د بهرنیو چارو وزارت سیاسي معین الحاج شیر محمد عباس ستانکزي سره په کابل کې د ترکمنستان سفیر ښاغلي خواجه عوضوف وکتل.

Read Next

‏نن د بهرنیو چارو وزارت له سیاسي معین الحاج شیرمحمد عباس ستانکزي سره په کابل کې د ایران سفیر ښاغلي بهادر امینیان وکتل.

Leave a Reply