د ایران له اسلامي جمهوریت سره د اسلامي امارت د مسئولینو د دوامداره تماسونو په نتیجه کي هغه نظامي تجهیزات چې د تیرې ادارې د سقوط پر مهال ایران هیواد ته اړول شوي وو، د هغو له جملې څخه د ګڼ شمیر سپکو او درنو وسلو په شمول هاموي شوبلې، رینجرې، د اور وژنې موټر او لسګونه عراده جات بیرته د افغانستان حکومت ته وسپارل شول.

د ا.ا.ا د بهرنیو چارو وزارت د انګلستان د هغه دریځ هرکلی کوي چي د افغان حکومت د وسلوال مخالفت ملاتړ نه کوي او له اسلامي امارت سره تعامل ته ترجیح ورکوي

د ا.ا.ا د بهرنیو چارو وزارت له ټولو هغو هیوادونو او مرستندویه ادارو څخه ځانګړې مننه کوې چې د وروستۍ زلزلې له قربانیانو سره یې عاجلې مرستې ترسره کړې او یا یې هم ژمنې کړې دي

د افغانستان اسلامي امارت د هندوستان د هغې پریکړې هرکلی کوي چې یو ځل بیایې په کابل کې خپل سفارت ته دیپلوماتان او کاري ټیم را واستول او غواړي چې د افغان ولس سره خپلو اړیکو او بشري مرستو ته ادامه ورکړي.

د افغانستان اسلامي امارت او د امریکا متحده ایالاتو ترمنځ د مخامخ تفاهم او مثبتو اړیکو په پایله کې د ګوانتنامو مظلوم بندي اسدالله هارون د خلاصون هرکلی کوو او دا پرمختګ د دوو اړخيزو اړيکو د پراختيا پر لور يو مثبت او ګټور ګام بولو.

په ډیره خواشینۍ مو خبر ترلاسه کړ چې د اسلامي نړۍ لوی عالم، ستر داعي او د لکونو انسانانو روزونکی او استاذ، شیخ محمود افندي په حق رسیدلی.

نن د ا.ا.ا بهرنیو چارو وزارت سیاسي معین الحاج شیر محمد عباس ستانکزي سره په کابل کې د ایران سفارت مرستیال ښاغلي سید حسن مرتضوي وکتل او په ګڼو مهمو مسائلو یې خبرې وکړې

پرون مازيګر د افغانستان او ازبکستان پولې ته څېرمه اته راکټونه توغول شوي، چې ځیني يې په افغانستان کې او څه یې د ازبکستان خاورې ته اوښتي.

د جاپان د پخواني لومړي وزير، ښاغلي شينزو آبې د ترور له کبله د افغانستان اسلامي امارت د بهرنيو چارو وزارت د جاپان حکومت او ولس ته د دې پېښې له امله د تسليت مراتب وړاندې کوي.

د چین ولسي جمهوریت او امریکا متحده ایالاتو ترمنځ اړیکې د سیمې پر امنیت، ثبات او ښېرازۍ اغېز لري.