اسلامي امارت د ټولو شته امکاناتو په کارولو سره د جنازو د انتقال زمينه برابروي او د لېږد د چارې اسانتیا لپاره ځانګړې الوتکه هم په پام کې نیول شوې ده.تر اوسه د ۱۷ تنه هیوادوالو هویت تشخیص شوی او د یوه تن د پېژندنې په اړه تحقیقات روان دي، چې د هويت د تثبيت چارو له بشپړیدو وروسته به انتقال شي.
د ا.ا.ا. د بهرنیو چارو وزارت بلغاریا کې د وروستۍ پېښې له امله د ١٨ تنو شهیدو شویو افغانانو د جنازو د انتقال په اړه په دغه هیواد کې افغان سفارت ته دنده سپارلې چې د عدلي طب د تحقیقاتو له بشپړېدو وروسته یې هیواد ته د انتقال په تړاو پر وخت همغږۍ ترسره کړي.
