د م،م د امنیت شورا د څار ډلې هغه راپور چې په کې ویل شوي افغانستان کې د بهرنیو ډلو فعالیت ـ شتون زیات شوی حقیقت نلري.

بسم الله الرحمن الرحیم
د افغانستان اسلامي امارت د ملګرو ملتونو د امنیت شورا د څار کمېټې وروستۍ راپور چې په کې ادعاوي شوې په افغانستان کي د بهرنیو ډلو فعالیت زیات شوی په کلکه ردوي.

اسلامي امارت دغه ډول بې بنسټه راپورونه چې هیڅ شواهد، اسناد او مدارک په کې شتون نلري د افغانستان، سیمې او نړۍ په خیر او ګټه نه بولي.

له کله نه چې اسلامي امارت د هیواد بشپړ حاکمیت تر لاسه کړی په افغانستان کې بهترین امنیت تأمین شوی دی.

اسلامي امارت د دوحې په تړون کي کړي تعهدات عملي کړي او چا ته اجازه نه ورکوي چې د افغانستان له خاوري څخه کوم هېواد ته خطر متوجه کړي بالمقابل له نورو هم همدا توقع لري.

اسلامي امارت به د یوه مسؤل نظام په توګه له شته امکاناتو او فرصتونو په استفاده د افغانستان، سیمې او نړۍ د امن، ثبات او سوکالۍ لپاره مثبت رول لوبوي او هیله لري چې د امنیت شورا په ګډون نور اړخونه هم دا حقائق درک او مسؤلانه څرګندونې وکړی.

د افغانستان اسلامي امارت
د بهرنیو چارو وزارت

MFA _Afghanistan

Read Previous

‏نن د ااا د بهرنیو چارو له وزیر مولوي امیر خان متقي سره د ترکیې هیواد د سرې میاشتي ریس او د سرې میاشتي د نړیوال فدراسیون مرستیال ښاغلي کریم کنیک او مل پلاوي وکتل.

Read Next

‏نن د بهرنیو چارو سرپرست وزیر مولوي امیر خان متقي د ترکيې د بهرنیو چارو له وزیر مولود چاووش اوغلو سره تیلیفوني خبرې وکړې.

Leave a Reply