په دې کتنه کې د دواړو هېوادونو ترمنځ د دوهاړخیزو اړیکو پر پیاوړتیا، په ایران کې مېشتو افغانانو ته د قونسلي خدماتو په ښهوالي او ګڼو برخو کي د لا ښه پرمختګ په حل لارو خبرې وشوې.
دوکتور محمدنعیم وویل چې اسلامي امارت له ګاونډیانو سره د متوازن او متقابلو اړیکو پر پیاوړتیا باور لري او زیاته یې کړه چې افغانستان د هرې ستونزې د حل لپاره خبرو او تفاهم ته لومړیتوب ورکوي.
ډاکتر مهدي سبحاني د افغانستان له ملي حاکمیت سره د ایران د درناوي څرګندونه وکړه او ټینګار یې وکړ چې هېواد یې د دوهاړخیزو همکاریو پراختیا او د سیمې د سولې او ثبات ملاتړی دی.
په پای کې دواړو لوریو د همکاریو پر لاپراختیا او د اړیکو پر دوام ټينګار درلود.
