د بهرنیو چارو وزیر وویل، وخت رارسېدلی چې له ایران سره اقتصادي راکړه ورکړه زیاته شي او غوښتنه یې وکړه چې د تجارت او ترانزټ په برخه کي سهولتونه رامنځته شي، دغه راز متقي صاحب په ایراني بانکونو کې د افغان تجارانو په پولي حسابونو باندي د لګېدلو محدودیتونو د لیري کولو غوښتنه وکړه او په دغه برخه کي د افغان مهاجرینو او تجارانو ستونزې ورسره شریکي کړې. محترم متقي صاحب له ایراني پلاوي سره د ایران په زندانونو کې د افغان محبوسینو د خلاصون او برخلیک د معلومېدو په تړاو او افغان حکومت ته د سپارلو په باب هم خبرې وکړې، همداراز متقي صاحب په کرمان د رامنځته ته شویې حادثې او ترهغې وروسته پېښو په تړاو له ایراني پلاوي وغوښتل چې هیچا ته باید اجازه ورنکړل شي چې په داسي کړنو سره د داوړو هیوادونو روابطو ته زیان واړوي. د ایران د جمهور ريس خاص استازي ښاغلي قومي افغانستان ته د خپل سفر څخه خوښي وښوده او زیاته یې کړه چې په دې وروستیو کې افغان حکومت وښوده چې په هیواد کي یې سرتاسري امنیت تامین کړی او د افغانستان په ټوله جغرافیه تسلط لري، دغه راز نوموړي د متقي صاحب د غوښتنو او څرګندونو په تړاو سره وویل؛ لازم بولي چې د ایران-افغانستان ترمنځ د ټرانزیت او تجارت د ودې لپاره سهولتونه ایجاد کړي، ښاغلي قومي د افغان تجارانو د بانکي حسابونو په تړاو وویل، موږ دغه موضوع له خپل مرکزي بانک سره شریکه کړې ژر ده چې رامنځته شوې ستونزه حل شي، دغه راز نوموړي یادونه وکړه چې د افغان محبوسینو او افغان کارګرو د ستونزو په تړاو به له مربوطه ادارو سره د حل په پار ناستې ترسره کړي. د ناستې په پای کې هوکړه وشوه چې د یو شمیر موضوعاتو د حل په غرض به د افغان حکومت د بېلابېلو ادارو جوړ هیئت ایران ته سفر وکړي او هلته به له نژدې له کوربه چارواکو سره خپلې غوښتنې مطرح او شریکې کړي.
نن د بهرنیو چارو له وزیر محترم مولوي امیرخان متقي سره د ایران د جمهور ریس ځانګړي استازي ښاغلي حسن کاظمي قومي، په کابل کې ایران سفیر ښاغلی بهادر امینیان او مرستیال سفیر ښاغلي سید حسن مرتضوي وکتل او په یو شمېر مهمو موضوعاتو یې خبرې وکړې.
