دا اعلان داسې مهال کېږي، چې روانه اوونۍ د دواړو هېوادونو لوړ پوړیو چارواکو په دوحه کې په مختلفو کچو تفصیلي ناستې لرلي او پر نژدې ټولو د پام وړ مسایلو خبرې اترې شوي دي. د امريکا متحده ايالتونه بايد په دوحه کې د وروستيو خبرو په پام کې نيولو سره مثبت ګامونه پورته کړي او په عمل کې هم وښيي چې اسلامي امارت سره د رغنده تعامل په لټه کې ده. دغه ډول پرېکړې، په دوو اړخیزو اړیکو منفي اغېز لرلای شي. د اختلاف وړ ټکي بايد د دیپلوماتیکو چاینلونو له لارې حل شي او پر داسې پرېکړو له سره غور وشي، چې دواړو لوریو په ګټه نه وي.
د ا. ا. ا. د بهرنیو چارو وزارت، د امریکا متحده ایالتونو د بهرنیو چارو وزارت وروستۍ اعلامیه، چې په کې ویل شوي، د اسلامي امارت په ځینو مشرانو د ویزو بندیزونه لګوي، د دواړو لوریو ترمنځ اړیکو کې د پرمختګ پر وړاندې خنډ بولي
