۲۷ ذُو ٱلْقَعْدَة ۱۴۴۳

‏نن د بهرنیو چارو له وزیر مولوي امیر خان متقي سره د یوناما مشرې اغلې ډیبورالاینز وکتل.

په دغه ناسته کې اغلې لاینز د خپلو سفرونو په اړه معلومات شریک کړل او د ګڼو پرمختګونو او موضوعاتو د څېړلو یادونې یې وکړې.
‏اغلې لاینز وویل چې هیڅوک په افغانستان کې د جنګ او جنګي ډلو ملاتړې ندي او نه یې هم د افغانستان په ګټه بولي او زیاته یې کړه چي په افغانستان کي شته واقعیتونه او پرمختګونه باید نړیوالو ته ورسیږي.‏محترم متقي صاحب له اغلې لاینز څخه د هغه څه له امله مننه وکړه چې په ناسته کې یې ورسره شریک کړل، او په افغانستان کي یې د وروستیو رامنځته شویو مسائلو په اړه معلومات ورکړل چې پکې د حجاب او مخدره توکو د فرمانونو او تصفیوي عملیاتو اړوند وضاحتونه هم شامل وو.‏متقي صاحب ورته یادونه وکړه چې ملګرو ملتونو او نړۍ ته د افغانستان په اړه حقایق لکه امنیت، د فساد او اختلاص مخنیوی، د داعش او مخدره توکو لمنځه وړل په جدي او واقعي ډول سره ورسوي.‏اغلې لاینز غوښتنه وکړه چې د افغانستان د هر اړخیز پرمتخګ لپاره به ګډې هڅې کوو او د یوه مېکانیزم له لارې به راتلونکې مسائل مخته وړو.

په پای کې ناسته او سره تبادله شوي معلومات او نظریات د راتلونکې په اړه مثبت او مثمر وبلل شول او په چارو کې د همکارۍ او همږغۍ هوکړې وشوې.

MFA _Afghanistan

Read Previous

‏د ا.ا.ا د ریاست الوزراء اقتصادي مرستیال ملا عبدالغني برادر په مشرۍ یو لوړپوړی پلاوی د م.ع.ا د پخواني رئیس “شیخ خلیفه بن زاید آل نهیان” د وفات له کبله نن د م.ع.ا پلازمېنې ابوظبۍ ته رسېدلی او د تعزیت وړاندې کولو په پار یې د نوموړي له ځای ناستي”شیخ محمد بن زاید آل نهیان” سره کتلي.

Read Next

‏بهرنیو چارو له وزیر مولوي امیرخان متقي سره د افغانستان لپاره د جاپان سفیر تاکاشي اوکادا لیدنه او پر یو شمېر مهمو موضوعاتو خبرې وکړې.

Leave a Reply