د یادونې وړ ده چې تر دې مهاله د پاکستان له بېلابېلو زندانونو څخه تر ٢٠٠٠ تنو زیات افغان بندیان اسلامي د امارت په هڅو ازاد شوي او خپل هیواد ته را ستانه شوي دي.
نن جمعه، د ١٤٠٢ هجري شمسي کال د حمل ١٨ مه، اسلام آباد کې د افغانستان سفارت او کراچۍ کې د هېواد جنرل کونسلګرۍ د هلو ځلو په ترڅ کې د پاکستان هیواد د سیند ایالت له زندانونو څخه ٢٠٨ تنه افغان بندیان را خلاص او په دولتي مصارفو خپل هیواد ته راولېږدول شول.
