په دې غونډه کې د هیواد په سیاسي او اقتصادي وضعیت، تعلیمي بهیر، د بهر مېشتو افغان کادرونو له وړتیاوو څخه د لازمې استفادې، له نوي حکومت سره د راغلو مثبتو تحولاتو پر اهمیت او حفاظت خبرې وشوې.
د غونډې برخوالو د نوي اسلامي حکومت د راتګ مبارکي وویله او د هر راز همکارۍ ډاډ یې ورکړ.
د اسلامي دعوتي ټولنو غړو مېرمنو د نوي اسلامي حکومت تګلاره او کړنلاره دافغان مېرمنو د حق برپایه کول وبلل او د اسلامي نظام د راتګ لپاره یې ورکول شوې قربانۍ نه هېرېدونکې وبللې، او ژمنه یې وکړه چې د اسلامي دعوت له لارې به د ټولنې د اصلاح لپاره هلې ځلې کوي.
متقي صاحب د غونډې له ټولو ګډونوالو مننه وکړه چې له نوي اسلامي حکومت سره د زړه له تله خواږي لري او زیاته یې کړه چې نوی حکومت په دې هڅه کې دی چې څرنګه وکولای شي هیواد هر اړخیز خود کفاء او له محتاجیو وژغورل شي، د سیمي د اقتصاد او اتصال په مرکز بدل شي.
دغه راز متقي صاحب وویل؛ نوی حکومت کوشش کوي چي د بهر میشتو افغانانو له وړتیاوو د هیواد د لا پرمختګ لپاره استفاده وکړي.
نن د بهرنیو چارو له سرپرست وزیر مولوي امیرخان متقي سره بهر مېشتو افغان متخصیصینو، تجارانو او د اسلامي دعوتي ټولنو یوشمیر مېرمنو غړو وکتل.
