Archive - 10/13/2022
د بهرنيو چارو وزير مولوي امير خان متقي او د ماليې وزير ملا هدايت الله بدري په ترمذ کې د افغانستان د قونسلګرۍ ليدنه وکړه.
نن سهار د ا. ا. ا. د بهرنيو چارو او ماليې وزيرانو په وياړ د ازبکستان د سرخاندريا سرحدي ولايت والي، ښاغلي بابايوف له خوا د سهارنۍ تابيا شوې وه.
د ا. ا. ا. د بهرنیو چارو وزیر مولوي امیر خان متقي او د ازبکستان جمهوریت د ولسمشرۍ د چارو د ادارې د مشر سردار عمرزاکوف ترمنځ لیدنه وشوه.
تېره شپه د ازبکستان په پلازمېنه تاشکند کې د افغانستان د بهرنیو چارو او مالیې وزیرانو له یو شمېر تاشکندمېشتو افغان سوداګرو سره لیدنه وکړه.
تېر ماښام د ا. ا. ا. د بهرنیو چارو د وزیر مولوي امیر خان متقي او د چین ولسي جمهوریت د بهرنیو چارو وزیر وانګ يې ترمنځ په تاشکند کې دوه اړخیزه ناسته وشوه.
نن د افغانستان او پاکستان د بهرنیو چارو وزیرانو تاشکند کي سره وکتل. دواړو لوریو د افغانستان او پاکستان ترمنځ پر سیاسي، اقتصادي او بشري همکاریو هراړخیزې خبرې وکړې.
نن د بهرنیو چارو د وزیر مولوي امیرخان متقي په مشري افغان پلاوي تاشکند کې له امریکايي لوري سره د افغانستان د کنګل شوې شتمنۍ، اقتصادي ثبات، بشري مرستو او یو شمیر نورو اقتصادي موضوعاتو په تړاو ناسته وکړه .
د تاشکند کنفرانس د لومړۍ وقفې په څنډه کې د روسيې خاص استازي ښاغلي ضمیر کابلوف او پلاوي د بهرنیو چارو وزیر او مل هیئت سره وکتل او د کنفرانس د اهمیت په شمول یې پر شمېر مهمو تجارتي او ټرانزیټي موضوعاتو خبرې وکړې.
