د یادونې وړ ده چې څو ورځي وړاندي د ا.ا.ا. د لوی څارنوال په مشري د بهرنیو چارو او محابسو عمومي ریاست د استازو په ګډون یو لوړ رتبه هیئت په تهران کي له ایراني چارواکو سره د مذاکراتو په پایله توافق ترسره کړ چې ګڼ افغان بندیان به افغان حکومت ته سپاري.
له ایراني لوري سره د شوي توافق په تر څ کې تر دې مهاله ټول ټال(۷۳۱) تنه افغان بندیان په دریو ورځو کې افغان حکومت ته سپارل شوي دي چې د الړۍ به لا هم جریان ولري.
نن چهار شنبه د ۱۴۰۱ هـ ش کال د حوت ۱۷ د ایراني لوري افغان حکومت ته د بندیانو د سپارلو په لړ کې (۲۷۴) تنه افغان بندیان چې په ایران هیواد کې زنداني وو د هرات ولایت اسلام قلعه بندر له لاري افغان حکومت ته وسپارل شول.
