د بهرنيو چارو وزير د سفارت دیپلوماتانو او کارمندانو ته د لا ښه خدمت ترسره کولو سپارښتنې وکړې. دغه راز متقي صاحب په ټینګار سره وويل چې موږ د افغان کړيدلي ولس خادمان يو، نو پکار ده چې له هیواد بهر خپلو وطنوالو او مراجعینو ته خدمات په ډېر ښه او شفاف ډول وړاندې کړو ترڅو مو خپله ديني او ملي وجيبه ترسره کړې وي.
همدارنګه د سفارت ټولو مسؤلنیو او کارمندانو د بهرنیو چارو وزیر له ورتګ او د سفارت په چارو کې د لازمو سپارښتنو او مشورو خوښي وښوده او له خپل لوري څخه یې په چارو کې د صداقت، اخلاص، شفافيت او جدیت په اړه ډاډ ورکړ. د سفارت مسؤلینو ژمنه وکړه چې باندي شوی باور به وساتي او خپله ټوله انرژي او شته مسلکي بشري ځواک به د هیوادوالو د رفاه او وطن د ترقۍ لپاره مصرفوي.
