پښتو
نن د افغانستان او پاکستان د بهرنیو چارو وزیرانو تاشکند کي سره وکتل. دواړو لوریو د افغانستان او پاکستان ترمنځ پر سیاسي، اقتصادي او بشري همکاریو هراړخیزې خبرې وکړې.
نن د بهرنیو چارو د وزیر مولوي امیرخان متقي په مشري افغان پلاوي تاشکند کې له امریکايي لوري سره د افغانستان د کنګل شوې شتمنۍ، اقتصادي ثبات، بشري مرستو او یو شمیر نورو اقتصادي موضوعاتو په تړاو ناسته وکړه .
د تاشکند کنفرانس د لومړۍ وقفې په څنډه کې د روسيې خاص استازي ښاغلي ضمیر کابلوف او پلاوي د بهرنیو چارو وزیر او مل هیئت سره وکتل او د کنفرانس د اهمیت په شمول یې پر شمېر مهمو تجارتي او ټرانزیټي موضوعاتو خبرې وکړې.
نن د بهرنیو چارو وزیر محترم مولوي امیرخان متقي او مل پلاوي په تاشکند کې له افغان سفارت څخه لیدنه وکړه او ډیپلوماتانو سره یې د چارو د ښه والي په تړاو ناسته ترسره کړه او لازمې سپارښتنې یې ورته وکړې.
نن د ا. ا. ا. د بهرنیو چارو وزیر محترم مولوي امیر خان متقي په مشرۍ افغان پلاوي په تاشکند کې د ازبکستان د بهرنیو چارو له سرپرست وزیر ښاغلي ویلادیمیر نوروف سره وکتل.
تېر ماښام د ا. ا. ا. د بهرنیو چارو وزیر په مشرۍ د افغان پلاوي په ویاړ د ازبکستان د ملي امنیت شورا مرستیال او په بهرني سیاست کې د ولسمشر د ځانګړي استازي عبدالعزیز کاملوف له خوا د ماښامنۍ تابیا شوې وه.
نن د بهرنیو چارو له وزیر مولوي امیرخان متقي سره په کابل کې د اروپايي اتحادیې د استازولۍ شارژده پیر ارنوټ پاول وکتل او پر ګڼو مهمو موضوعاتو یې خبرې وکړې.
نن د بهرنیو چارو له وزیر مولوي امیرخان متقي سره په کابل کې د قطر نوي ټاکل شوي مرستیال سفير ښاغلي سعيد العيده وکتل.
